Uyushma to‘g‘risida

“O‘zbekiston Respublikasi Prezidentining 1994 yil 21 yanvardagi “Iqtisodiy isloxotlarni yanada chuqurlashtirish, xususiy mulk manfaatlarini himoya qilish va tadbirkorlikni rivojlantirishning chora-tadbirlari to‘g‘risida”gi Farmoniga asosan, O‘zbekiston Respublikasi Vazirlar Mahkamasining 1994 yil 17 martdagi 144-son qarori hamda ta’sis majlisi qarori asosida “Radioelektrontexasbob” O‘zbekiston radioelektronika, elektrotexnika va asbobsozlik sanoati konserni “O‘zeltexsanoat” uyushmasi etib qayta tashkil etildi.

O‘zbekiston Respublikasi Prezidentining “Xo‘jalik boshqaruvi organlari tizimini takomillashtirish to‘g‘risida”gi 2003 yil 22 dekabrdagi 3366-son farmon hamda O‘zbekiston Respublikasi Vazirlar Mahkamasining 2004 yil 30 apreldagi “O‘zbekiston radioelektronika, elektrotexnika va asbobsozlik sanoati korxonalari uyushmasi (“O‘zeltexsanoat” uyushmasi) faoliyatini takomillashtirish to‘g‘risida”gi 205-son qarori bilan uyushmaning tashkiliy tuzilmasi tashkil etildi va uning asosiy faoliyati yo‘nalishlari belgilandi.

Uyushmaning asosiy faoliyati quyidagilar:

  1. qatnashchilarning umumiy mulkiy va boshqa manfaatlarini ichki va tashqi bozorda, xalqaro ittifoqlar, uyushmalar, birlashmalar, milliy uyushmalar, davlat boshqaruvi va maxalliy organlarida ifodalash va himoya qilish;
  2. radioelektronika, elektrotexnika va asbobsozlik sanoati mahsulotlarini ishlab chiqaruvchi yuridik va jismoniy korxonalarni tashkil etilishida va ularni rivojlanishida xamkorlik qilish;
  3. radioelektronika, elektrotexnika va asbobsozlik sanoati mahsulotlarini ishlab chiqaruvchi chet el korxonalari bilan iqtisodiy hamkorlikni rivojlantirish.

Uyushmaning asosiy maqsadi va yo‘nalish faoliyatlari quyidagilar:

  1. elektrotexnika soxasida yagona davlat texnik siyosatini olib borish;
  2. ilg‘or xalqaro tajribani hisobga olgan xolda radioelektronika, elektrotexnika va asbobsozlik sanoatini barqaror rivojlantirishning istiqbolli strategiyasini belgilash;
  3. marketing tadqiqotlarini tashkil etish, ichki va tashqi bozorlarda raqobatbardosh mahsulotlarning (ishlar, xizmatlar) yangi turlarini ishlab chiqarishni o‘zlashtirishda, ularning jahon bozorlariga kirib borishida ko‘maklashish;
  4. uyushma qatnashchilari bo‘lgan korxonalarga resurs va energiyani tejovchi samarali texnologiyalarni joriy etishda, buyumlar va butlovchi materiallar ishlab chiqarishni maxalliylashtirishni rivojlantirishda, korxonalarni zamonaviylashtirish va texnologiyalar bilan qayta jixozlashda, ushbu maqsadlar uchun joriy investitsiyalarni keng jalb qilishda yordam ko‘rsatish;
  5. korxonalarga axborot xizmatlari ko‘rsatish, muhandis-texnik va boshqaruv xodimlari menejmentining zamonaviy usullarini va bozor sharoitlarida ishlashni egallab olishlari maqsadida ularning malakasini oshirish, ularni tayyorlash va qayta tayyorlashni tashkil etishda ko‘maklashish.

Radioelektronika, elektrotexnika va asbobsozlik sanoati sohasi O‘zbekiston infrastrukturasi sohalaridan biri hisoblanadi.

Uyushma a’zolari

Davlat resurslari